Tin exigencia awendia pa bo habri un localidad cu tin di haber cu por ehempel gas, cushina, etc. Brandweer ta maneha esaki. Ferdinand Ponson, vocero y tambe officier den e departamento di prevencion, a splica cu nan ta duna conseho na Directie Wetgeving. Ora cu haci un peticion pa loke ta restaurant vergunning, tur esaki ta bay bao di Hindervergunning y Slijtvergunning, cual ta bay cerca Departamento di bombero. Nan ta haci controlnan cu tin cu cumpli cu e leynan di AB 1991 Hulandes, cu ta e preventie besluit. Asina ey ta haci control y ta bezig ta wak tur e salidanan necesario si nan ta cumpli cu e normanan y ta hancho suficiente pa e hendenan den e localidad. E sistema di alarma, si e ta traha y ta cumpli cu e exigencianan local y internacional.
Den un caso, den un cas nan ta arma un sistema di alrma cu wayanan blanco. Den e parti comercial tin cu usa wayanan cora cu ta e exigencia pa esaki. Nan ta manda miho señal y percura pa e distortion pasa. Ora cu e waya pasa riba e luz, e ta cubri esaki y e tin un caracteristica special cu asina algo mester pasa, e no ta saca gasnan toxico den e ambiente unda cu nan ta.
E poederblussernan mester ta disponibel den e luga. Mester tin tambe strobelight. Esaki ta specialmente pa esnan cu tin problema cu oido of personanan special, cu si nan no tin oido, den e caso aki, nan por wak. E strobelight ta indica nan cu tin un alarma di candela y asina nan por sali mas lihe, cuminsa cu parti di e evacuacion.
Tin e haltura cu e poulestationnan mester bay. E luznan di emergencia mester ta conecta riba e red di coriente y asina cu coriente cay afo, nan ta bay riba un battery back up pa por lusa. Esaki por yuda pa hendenan por sali for di e edificio si ta parti di anochi of si e ta suficiente scur cu hendenan no por wak, e luz ta duna un tiki claridad cu nan por haya nan salida, pa evacua, den e caso aki, na un momento di emergencia.
Cosnan cu ta bin dilanti
Ponson a sigui splica cu aña pasa, na 2017, nan a tene un accion hunto cu otro departamentonan di gobierno y a bay haci control riba restaurant, take away, snacktruck. Mas di 600 luga a ricibi bishita. Tur hende cu a haya control, a haya nan parti di kico nan mester drecha, kico mester haci pa nan por cumpli. Tin luga, cu pa un of otro motibo, door di brandweer of otro instancia, mester a wordo cera pa algun ora, pa nan drecha loke nan mester a drecha, pa nan sigui. A probecha esaki pa drecha nan database y riba esaki ta haci’e pa concientisa nan y pone nan cumpli cu regla. Tur tin vergunning, dus tur tin cu cumpli cu exigencianan di e vergunning.
