Boneiro lo redobla energia di biento na 2021

Cuminsando for di aña 2021, e disponibilidaddi coriente produci pa biento, lo duplica na Boneiro. Sinembargo e idea pa haya energia for di lama, ta for di mesa. Esaki ta loke cu Minister Eric Wiebes di Asuntonan Economico y Medio Ambient a informa como contesta na e preguntanan haci pa Parlamentarionan Antje Diertens y Rob Jetter (ambos di D66).

Na e momentonan aki e parke di molina ta produci 11 MegaWatt. Esaki ta nifica cu aproximadamente 30% di e necesidadnan di coriente di e isla ta cubri. E porcentahe ta disminui constantemente debi na e demanda creciente debi na aumento di poblacion, turismo y actividad. “Den e Integrated Utility Plan ta inclui 12MW di capacidad di biento adicional den operacion den e prome kwartaal di 2021. Den e añanan cu ta sigui, e 65% di coriente sostenibel ta destina”, asina Wiebes a bisa.

Meidante e aplicacion di conversion di energia termico di lama (OTEC) no tin sosten na Boneiro. Ta pesey tabata posibel pa ehecuta e estudio di factibilidad previamente anuncia. Wiebes a señala cu sostenibilidad di e suministro di energia na Boneiro no tin e prioridad di mas halto. Pa awor aki, e siguridad di e suministro y accesibilidad tin prioridad riba sostenibilidad.

“Ta existi un tarifa pagabel pa consumidornan den Caribe Hulandes. Pagabel no ta nifica barata. Pa compara: Na Hulanda, ta desconseha e consumo di energia atrabes di impuesto y recargonan y ta fomenta spaarmento. Manera ta describi den e informe Energia sostenibel y pagabel den un hogar Caribeño Hulandes promedio tin un factura energetico mas abao cu un cas Hulandes Europeo,” segun e Minister, kende ta señala cu e prijs di coriente tambe ta depende di e prijs mundial di petroleo.

E Minister no ta kere cu e sostenibilidad ta bin cu trabaonan extra pa e Bonerianonan. “Produccion di energia renobabel ta rekeri hopi capital, no ta rekeri hopi man di obra. E construccion di molina di biento of un zona pa tuma solo ta hiba na un trabao temporal pa e habitantenan. Parti di e trabao aki, sinembargo, ta un trabao specialisa pa cual no tin personal disponibel riba e islanan chikito aki.”

Saba

Actualmente Saba ta genera 20% di su energia for di solo. Esey lo duplica e proximo aña cu yegada di un di dos parke. E Conseho Ehecutivo a otorga na e investigado geotermico Teranov di Guadeloupe un derecho exclusivo di tres aña pa realisa investigacionnan riba energia geotermico. No ta cla si esaki tin exito y tin un tempo di espera hopi largo rekeri pa e investigacion, e perforacion, etc., pero ta premira e posibilidadnan pa alcansa 100% sostenibilidad.

Sint Eustatius

Sint Eustatius ta e lider den e parti Caribense di Reino Hulandes cu un 46% di energia sostenibel. Na fin di aña pasa, a cuminsa uza e di dos parti di e area pa tuma solo. Esaki ta un proyecto tecnologicamente hopi moderno y innovador. Danki na e ultimo podernan electronico, e stabilidad di e red ta miho cu antes. E resultadonan aki tabata posibel door di subsidionan substancial for di Gobierno di Hulanda. E empresa local di servicio a indica cu nan ta prefera di tuma mas solo y no coriente di biento, ya cu nan no tabata resistente na horcan.

Aruba

Na Aruba ta generando entre 18 pa 20% di nos coriente ta procedente di energia alternativo, sea ta di biento (mayoria) of solo. E intencion di Gabinete Mike Eman II tabata pa alcansa 100% sostenibilidad na aña 2020, un vision hopi ambicioso. Mester menciona cu e tarifa di coriente na Aruba ta menos cu e demas islanan den Caribe Hulandes. E red na Aruba ta hopi mas confiabel tambe cu e demas islanan, unda conoce mas “baymento di coriente” compara cu nos na Aruba. Cambio di gobernacion probablemente lo nifica cambio di vision tambe den e maneho di energia alternativo na Aruba.