Bon intencion pero na mal ora

Diaranson pa 8:44pm a manda un patruya di Polis pa Colegio Bon Bini situa den Apollostraat # 3 na Madiki pa dos homber sospechoso den cura di scol.

Na yegada Polis berdad a topa cu e dos joncuman di inicial AA y MM ambos di 15 aña di edad. Como cu scol ta cera 9’or di anochi, Polis a puntra nan kico nan ta haciendo eyden? Nan a admiti na autoridad cu nan a drenta paden pa por haya señal di WiFi. Polis a mustra nan riba e hecho di drenta tereno di scol sin permiso y a core cu nan for di eynan. Polis a hincanan den patruya y a bay baha cada un na nan cas pa splica nan mayornan tambe di e sucedido, kisas nan intencion no ta malo, pero e ora si!