Hopi bon comentario ta drenta di e tremendo servicio na e Departamento di Impuesto. Departamento di Impuesto a dicidi cu nan ta duna servicio riba diasabra pa asina yuda mas facil esnan cu kier paga nan number di vehiculo di motor.
Ora cu bo yega diasabra mainta 8or e servicio ta bay hopi rapido. Manera bo drenta e miembro di seguridad ta yudabo cu e papel pa bo beurt, djey na e prome balie ta wordo atendi pa e prueba di seguro. Djey ta sinta y mesora den algun minuut bo beurt a yega y ta cumpli cu bo pago. Hendenan cu a probecha a duna bon comentario y tabata contento di por a pasa diasabra pa regla nan pago. Diasabra awor dia 27 di January ta un otro chens mas entre 8or cu 12or di merdia pa pasa paga bo number. E deadline ta 31 di January. Esnan cu a probecha e diferente diasabranan cu a pasa, a bisa tambe cu nan kier pa e Departamento di Impuesto sigui sikiera un biaha pa luna duna servicio riba diasaba. Asina esan den siman cu no por yega, por pasa paga nan cosnan si nan ta desea di haci esaki personalmente.
