Berde a drenta Montaña, Sabana Liber y Alto Vista

Diasabra y diadomingo lider di AVP Mike Eman hunto cu algun colega di partido tabata activo un biaha mas den area di Noord. Otro candidatonan a scoge pa bishita casnan den otro disctricto unda ta pidi pa nan yega cu bandera y pa papia cu nan. Tambe tin candidatonan di AVP cu a tene eventonan manera benta di BBQ of a tene unj dia di famia. Asina ta cu tur caminda tabatin actividadnan politico tumando lugar.

Despues di a ricibi e candidata energetico Sandra Brown na aeropuerto, Mike Eman hunto cu Benny Sevinger y diferente candidato mas di e partido berde a cuminsa campaña den Montaña. Un biaha mas partido berde a wordo bon ricibi den e casnan. E dos candidatonan a wordo compaña pa nan team di campaña, cu musica pa anima e grupo cu a cana drenta Montaña for di banda di stadion Frans Figaroa y despues a sigui den Sabana Liber y yega te den area di Alto Vista.

No solamente a parti e corant cu ta describi e trabou cu partido berde a haci den e dos Gobiernonan cu nan a lidera, pero tambe a hisa bandera y a parti material di campaña, pa cual tabatin hopi demanda. Palabra di danki ta bay na tur e habitantenan cu a habri porta y ricibi AVP un biaha mas. Partido AVP ta mustra su forza. E forza berde!