Durante construccion di AMC Mega Store un beam a lo a dobla durante proceso di hisamento. E beam a dobla trek un parti di e structura di staal. E incidente a hala antencion di hopi a sosode dialuna atardi algo pasa di 3or riba L.G. Smith Blvd. E compania AMAST N.V. ta responsabel pa trabounan di hisamento. Contratista ELJO a pidi tur su trahadornan pa hala un banda pa nan siguridad. E desordo a spanta bisiñanan, trahadornan a sali na careda prome algo bin abou riba nan. A tuma nota cu DTI tampoco Brandweer a keda notifica di e situacion peligroso. Ningun di esnan responsabel tabata duna comentario riba e sucedido y tampoco tabata desea pa prensa saca potret of video di e sucedido, pues tabata kier tapa solo cu dede.
