Awe ta e dia tan spera pa tur amante di futbol, esunnan cu ta wardando cuater aña pa e tuma luga. Mundial di Rusia 2018, lo cuminsa awe diahuebs, pa 9’or di mainta nos ora, cu un evento espectacular pa despues sigui cu un wega cu riba papel parce por ta poco atractivo, entre e seleccion anfitrion y Saudi Arabia. E final lo tuma luga dia 15 di Juli na Moscu, pa 11’or di mainta.
Esaki ta e prome weganan di e seleccionnan Latino Americano y Spaña:
- Uruguay ta hunga diabierna dia 15 di Juni, contra di Egipto.
- Spaña ta hunga diabierna 15 di Juni contra Portugal.
- Argentina lo hunga diasabra, dia 16 di Juni contra Islandia.
- Peru lo hunga diasabra, dia 16 di Juni contra di Dinamarca.
- Costa Rica lo hunga diadomingo, dia 17 di Juni, contra Serbia.
- Mexico lo hunga diadomingo dia 17 di Juni contra Alemania.
- Brasil lo hunga diadomingo, dia 17 di Juni contra di Suisa.
- Panama lo hunga dialuna, dia 18 di Juni contra di Belgica.
- Colombia lo hunga diamars dia 19 di Juni contra di Hapon.
- Esaki te cu awor aki ta e weganan mas interesante programa pa tuma luga. Aki ta sigui parti di e calendario di e ronda di grupo.
Pa Grupo A: Diahuebs 14 di Juni Rusia lo enfrenta Saudi Arabia pa 11’or di mainta den e Stadion Luzhniki na Moscu.
Diabierna, 15 di Juni Egipto lo enfrenta Uruguay na Ekaterinburg Arena pa 8’or di mainta.
Pa Grupo B: Morocco lo enfrenta Iran den Zenit Arena di St. Petersburg pa 11’or di mainta.
Pa 2’or di merdia, den Fisht Stadium na Sochi lo tin e partido entre Portugal y Spaña.
Grupo C: Francia lo enfrenta Australia den Kazan Arena pa 6’or di mainta, y pa grupo D Argentina lo enfrenta Islandia pa 9’or di mainta den Spartak Stadium na Moscu.
Pa Grupo C, Peru lo enfrenta Dinamarca pa 12’or di merdia den Mordovia Arena na Saransk.
Finalmente pa Grupo D, Croacia lo enfrenta Nigeria na Kaliningrad Stadium pa 3’or di atardi.
Diadomingo, 17 di Juni, dia di tata, Costa Rica lo enfrenta Serbia den grupo E, na Samara Arena pa 8’or di mainta.
Pa Grupo F Alemania lo enfrenta Mexico den Luzhniki Stadium na Moscu pa 11’or di mainta y finalmente Brasil lo enfrenta Suiza den Grupo E den Rostov Arena pa 2’or di mainta.
Esaki lo bay ta un fin di siman hopi activo pa loke ta trata mundial. Keda pendiente pa mas laat durante dia cu e prome resultado di e wega entre Rusia y Saudi Arabia.
