Faltando algo mas di un siman pa eleccion, awe diadomingo a tuma luga diferente evento politico tur rond di nos isla. Partidonan ta haciendo tur intento pa gana voto ainda, specialmente di e votadonan keto of esunnan cu no a dicidi ainda. Asina mes na Noord, a topa un situacion peculiar. Un auto tur na bandera y sticker di MEP a daña riba caminda, pa cual simpatisadonan di AVP, specificamente di Richard Arends, a baha pa pusha e auto y duna e chauffeur un man. Di e forma aki por mira cu politica ta pa politiconan, pueblo mester keda bon cu otro y considera campaña como un fiesta pa celebra democracia.
