Autoridad a tuma yate Lady Sarah den beslag

E yate Lady Sarah a wordo tuma den beslag diasabra den oranan di merdia. E yate no tin documento na ordo. Algun dia pasa caba autoridad di Kustwacht y Polis a controla e documentonan di e yate. Esaki no ta unico cu ta wordo controla. Den e caso specifico di Lady Sarah ora a haci e control algun dia pasa, a avisanan pa bay regla nan documentonan. E seguro pa por trip cu turista no tabata na ordo. Mester tin seguro entre otro pa cubri e turistanan abordo en cualkier accidente. Aparentemente e control no a yuda pasobra ora a bay haci e control diasabra atrobe e documentonan no tabata na ordo. Riba ordo di Directie Scheepvaart y tambe di Ministerio Publico a bay over na confisca e yate. E momento cu e tabata na ex pier di Bali bek, e personal di Kustwacht cu Polis a abordo e yate. Despues di mira e yate cu turista y controla documento a tume den beslag. Polisnan a bay abordo di e yate y Supr Rhib di Kustwacht a compaña e yate te pier di Kustwacht na Savaneta. Eynan lo keda pendiente pa asina tur cos wordo regla. Na momento cu e documentonan ta na ordo lo entrega e yate bek cu toestemming di fiscal.