Algo pasa di 12or y mey di anochi, patruya di Noord a ser manda riba e caminda di Sasaki Weg. Esaki tabata net na e lusnan di trafico banda di Super Food. E melding tabata cu tin un accidente cu herido. Na yegada di patruya a bin topa cu e accidente.
E tabata entre un Hyundai Accent color blanco numera A-25326 y un Hyundai veloster color geel numera A-34002. Ora polis a bay chek exactamente kiko a sosode , a bin saca afor cu e Hyundai color geel tabata biniendo for di noord bayendo zuid y diripente e Hyundai Accent blanco biniendo for di pariba a yega subi caminda. E consecuencia tabata cu e geel a dal e blanco. Daño material tabata considerable. Ambulance tambe a presenta na e sitio pa asina paramediconan duna e persona di e auto geel asistencia medico. Den e Hyundai Accent a bin topa dos cuchio. E Accent no tabata documento legal pa core riba caya. E manehadora no tabata tin rijbewijs. Polis a scual e dama y a splike e consecuencianan cu e lo haye aden.
