Auto a ranca cinco meter di awa y dal den autonan na Kudawecha

Den oranan hopi laat di marduga diadomingo a sosode un accidente riba e caminda di Kudawecha. A drenta informacion cu tin hende herida.
Na yegada a resulta cu chauffeur di un Getz coriendo hopi duro a perde control na stuur di e auto. El a baha caminda ranca sosten di palo di luz y djey sigui ranca cinco meter di awa.
Finalmente el a bay dal den autonan tambe para dilanti di e apartamento. Polis a topa e chauffeur sinta riba vloer. A pidi ambulance pa paramediconan atende cune. Riba e foto por mira un tiki di e desaster laga atras den e accidente.