Diadomingo despues di 4:00am a sosode un accidente riba e caminda principal di Bubali, na Noord, net dilanti Yami Yami Restaurant. Varios auto cu tabata pasando eybanda a bati alarma na Polis.
Na momento cu autoridadnan a yega na e sitio, a constata cu awasero tabata yobe pisa y a topa un auto den e rooi net bou di un mata di Kwihi. No tabatin ningun hende den e auto.
Parce cu e auto tabata biniendo for di zuid bayendo Noord, pero como cu caminda tabata muha, e chauffeur a perde control riba e auto, a slip, baha caminda y bay cay den e rooi banda di e caminda di Bubali. Como cu e chauffeur no a keda na e sitio, no por a test si e tabata burachi of no. No tabatin daño na otro tampoco.
