Despues di un temporada extenso di negociacion cu sindicato STA, Arugas y e sindicato a yega na un acuerdo cu diahuebs, dia 22 di Maart, lo firma un CAO. Durante e negociacionnan, segun director di Arugas, Roberto Geerman, manera tur contracto colectivo, tin su retonan. Pa Arugas e no ta diferente. Gerencia ta sumamente gradicido pa e pasenshi di e empleadonan y nan representante. Na final di dia tin un bon noticia.
E bon noticia ta cu despues di temporada di negociacion cu a cuminsa aña pasa, na cabamento di aña, nan a reuni pa firma e contracto colectivo cu un duracion di cuater aña, cual ta nifica beneficionan pa ambos partido. Pa menciona algun, ta aumento di salario anual cu ta alcansa un total di 11% den cuater aña. Un signing bonus di 500 florin, aumento di productividad y siguridad di trabao, programa di entrenamento pa tanto personal y tecnico. Nan a mantene tur beneficio existente caba y algo nobo cu a bin acerca ta un bashiepremie.
Sa cu e retonan ta grandi. Diahuebs mes por a scucha algun di e retonan cu lo bin. Pero gerencia ta convenci cu locual cu a cumbini pa e contracto colectivo aki, ta trece paz laboral pa e proximo cuater añanan.
Geerman a agrega cu Arugas su condicionnan pa su empleadonan, cual tin algun tin hopi aña trahando eynan, y ta hunto den e labor diario. Gerencia ta contento cu e trahadonan cu tin, tambe di e forma con e sindicato a hiba e negociacionnan, semper cu respet.
E unico manera cu bo por yega na soluciona e problemanan cu por surgi durante negociacionnan y argumento. Esey ta un parti esencial cu cada motibo di critica of di diferencia di opinion, mester wordo resolvi cu argumento y esey a sosode durante negociacionnan.
