Asosiashon di Bankonan Internashonal (IBA) ta topa ku ministernan

0
26

Resientemente direktiva di IBA, e Asosiashon di Bankonan Internashonal, tabatin un enkuentro fruktífero ku Minister Presidente sr. Eugene Rhuggenaath, Minister di Finansas sr. Kenneth Gijsbertha i Minister di Desaroyo Ekonómiko sr. Steven Martina. Intenshon di e enkuentro entre IBA i gobièrnu tabata pa duna gobièrnu un ‘update’ di unda e sektor ta pará awor, di su vishon pa futuro i di prekondishonnan pa realisá e vishon akí. Den esaki a hasi un distinshon entre e banda tradishonal di e sektor, inovashon i influensha di China. Entre otro pa
laga Kòrsou fungi komo un ‘gateway’ entre Latino Amerika i China. Den e kuadro akí a papia ku e ministernan tambe riba e problemátika di De-risking, e potensia di tratadonan fiskal nobo, entre otro ku China. Tambe a papia riba alternativanan nobo manera Fintech, pa komplementá e prosedimentu bankario tradishonal. IBA a hasi uso di e oportunidat tambe pa deliberá riba e posibel konsekuensianan di e sankshonnan adishonal kontra Venezuela ku
por spera awor di diferente pais en general, entre otro di Merka i Hulanda en partikular, komo reakshon riba e elekshonnan kontroversial na Venezuela dia 30 di yüli. E sankshonnan akí por tin konsekuensia grandi pa e sektor di servisio internashonal en partikular i pa ekonomia di Kòrsou en general. E ministernan a primintí di duna koperashon kompletu pa atendé e puntonan ku a papia ariba huntu ku e sektor pa produsí adelanto konkreto.

Comments

Banco di Caribe
Wendys
WEB

comments