Diadomingo a tuma luga e votacion na Venezuela. Naturalmente Aruba tambe tin su consulado Venezolano y e Venezolanonan cu ta registra na Aruba por a haci uzo di nan derecho di voto.
Algo cu a resalta masha hopi mes ta cu den e oranan di merdia solamente 100 venezolano a bay vota, e resto no a presenta pa haci uso di nan derecho di voto. A tuma contacto cu e consul di Venezuela y a bisa cu tur cos tin su proceso pa cana, algo cu si ta di admira ta cu e votacion a bay cu tur tranikilidad. Den pasado tabata tin masha hopi movecion y musica cu gritonan etc. E biaha aki algun hende sinta bou di un tent mientras cu e proceso di votacion tabata andando.
