Aruba a haya un oficina di partera nobo y esaki ta e di cinco cu ta Amare Midwife Practice. Na 2015 partera Stephanie Daal a gradua di Karel de Grote Hogeschool na Antwerpen, Belgie.
Despues di su estudio, el a bolbe bek Aruba pa asina eherce su profesion. Na 2017 el a obtene su diploma den Echoscopie for di Fontys Hogeschool. Y awor na 2018 el a habri su mesun oficina pa asina por brinda tur hende muhe e servicionan optimal cu un partera por ofrece. Cu hopi amor y dedicacion partera Stephanie ta guia su clientenan pa asina nan tin un embaraso mas comodo y placentero posibel.
Amare Midwife Practice ta situa na Caya Punta Brabo 3 y por tuma contacto na 6992987, tambe por tuma contacto via whatsapp. Like nan facebook page pa asina keda na altura di tur loke Amare Midwife Practice por ofrece bo durante bo embaraso.
