Durante luna di januari 2018, riba e fechanan 19 te cu 21 pa ta exacto,a tuma lugar e prome edicion di e competencia UANA CUP,cual a tuma lugar na Coral Springs,Fla.
Paisnan di Caribe y di America Central,afilia na CCCAN a compete contra e paisnan di CONSANAT,cual ta encera e paisnan di Sur America.
Den e resultado di e prome competencia aki,CCCAN a Sali como ganador absoluto.
Aruba tambe a participa na e competencia menciona,cu un delegacion consistiendo di atletanan y coachnan di e clubnan di landamento competitivo Aruba Dolphins y Stingray Swimming,como tambe dos representante di nos cuerpo di oficialnan certifica pa e organo maximo di deporte aquatico FINA,esta Sr.Ronald Leito y Sra.Mayens Tromp.
Tanto nos atletanan como nos oficialnan a hasi un tremendo trabou,representando nos Pais Aruba cu honor.
AZB ta manda un palabra di tanto pabien como agradecimiento pa cu e tremendo trabou.
