Dia 20 di Augustus proximo, ‘Aruba Malmok Runners’ (AMR) lo tene e di seis
edicion di nan caminata ‘Never say you can’t walk or run’.
Pa 6’or di mainta un
grupo grandi di canado y coredo nan lo sali for di Fisherman’s Huts na Malmok,
pa asina core locual ta priminti di ta un di e caredanan di mas ambiente di 2017.
Hopi ta conoce Beto y Jovita Maduro pa ta e motornan grandi tras di AMR y
hunto cu e coachnan y tur voluntario di AMR ta priminti di ta un careda exitoso.
AMR ta un club deportivo cu ta dedica hopi tempo na nos muchanan y tambe ne
hende grandi cu ta desea di practica e deporte di coremento.
Coachnan di e club ta dirigi e trainingnan abase voluntario y ta duna tur di nan
tempo pa asina inverti den e atletanan di e deporte di coremento.
Lo por participa den e categorianan: youth 3k run ta pa edadnan di 9-10/
11-12/13- 14, 5k fun run ta pa tur edad, 5k walk ta pa edad di 15 aña bai ariba y
na e careda mas popular cual lo ta e 10k run ta pa 14 aña bai ariba.
Algo diferente e aña aki, AMR ta ofrece e opcion di core den team di tres persona
pa competi den e categoria ‘Trio-team’ pa edad di 14 aña bai ariba.
E meta di AMR ta pa genera fondo pa nan club deportivo, pa asina por ofrece mas na nan atletanan durante full e aña. Cu nos muchanan na curason, AMR ta invita tur coredo y canado registra pa asina forma parti di e ‘Never Say You Can’t Walk or Run’ cual ta priminti di ta uno grandi y yen di ambiente. Pa registra por bai online via: https://registration.mylaps.com/aruba-malmok- runners/ of Bishita e Facebook page di Aruba Malmok Runners pa mas informacion y tambe pa e link pa registra: https://fb.me/arubamalmokrunners
