Den e weekend tras di lomba, e federacion di landamento, AZB a tene nan campeonato anual esta e Arubaanse Kampioenschappen. E tres ekiponan cu a competi Aruba Dolphins, Stingray Swimming Team y Orcas, tur tres a lucha pa e titulo maximo.
Mester bisa cu un aña mas e team mas grandi, esta Aruba Dolphins ta titula campeon di Aruba, na di dos lugar a keda Stingray Swimming Team mientras na di tres lugar a keda Swimming Team The Orcas. Durante tur e 4 dianan di competencia e landadonan a haci nan maximo esfuerzo pa demostra e miho di nan mes y defende e bon nomber di nan club.
Pa loke ta e resultadonan final den e diferente categorianan nos tin siguiente ganadornan
Den e edad di 6 & under mucha muher, D-Leylah Gerrel y mucha homber, Rygel Bisslik. Den e categoria 7-8 mucha muher Dianthe Kock, mucha homber Ocean van Loon. Den e categoria 9-10 mucha muher nos tin Live Faro, mucha homber Inald Fernandes Perna y den e categoria 11-12 mucha muher Giancarla Larez y mucha homber Jaydon Croes. Den e categoria 13-14 mucha muher Amy Pichardo y mucha homber Jeandre Kock. Den e categoria 15-17 mucha muher nos tin Elisabeth Timmer y mucha homber Nathan Croes. Por ultimo nos tin e categoria 18 and over cu a bay pa Gaby Ponson y George den Dunne. E landadornan Elisabeth Timmer, Anahi Schreuders y Nathan Croes a score punto mas halto di Federacion Internacional di Natacion(FINA). E atleta cu a destaca e campeonato aki cu Hytek mas halto a bay pa Ocean van Loon di Orcas.
Awor e landadonan por cuminsa prepara nan mes pa e campeonato internacional di landamento Central American and Caribbean Swimming Federation(CCCAN) cu lo tuma lugar na Aruba mes cuminsando aki dos siman. Nos landadonan lo competi contra e mihonan den e region di Centro America y Caribe den e disciplinanan di landamento, landamento artistico y Open water.
Stichting Sportsubsidie Aruba tambe a yuda subsidia e Arubaanse Kampieonschappen den e deporte di landamento organisa pa Arubaanse Zwembond.
Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e Stichting Sportsubsidie Aruba.
