Aruba a conoce su prins y panchonan pa Aruba su Carnaval 64

Den un Entertainment Center completamente yen, ayera nochi Aruba a conoce su prins y panchonan infantil, hubenil y grandi, kendenan lo dirigi e paradanan di Carnaval.
Pa loke ta e parti infantil, Prins Gusta, Gayquin Croes y Pancho Hari, Robert Tromp di Champagne Carnival Group a bay cu e corona. Entrenador pa e pareha ta Tyson Croes.
Prins y Pancho Hubenil ta Prins Des, Ransiel Mendez Medina y Pancho Confia, Alexander Donata, representando Royal Carnival Group, entrena pa Endrick Panneflek.
Y finalmente, e corona di prins cu pancho grandi a bay pa Dakota Uni, den nomber di prins Bon, Arjean Martinus y Pancho Laaf, Rudy Cabaral. Entrenadornan ta Eduardo Loofstok, Alberto Groeneveldt y Joontje Kock.

Palabra di pabien ta bay na e ganadonan.