Aruba Bank y Tele Aruba a firma acuerdo di transmision di weganan di futbol mundial

Dialuna mainta Aruba Bank y Tele Aruba a firma e acuerdo di FIFA World Cup 2018. E aña aki Aruba Bank lo ta e patrocinado principal di Tele Aruba durante e copa mundial di futbol, organisa pa FIFA.

Aruba Bank ta kere den deporte y ta demostra esaki door di  sostene e tipo di iniciativanan aki. Pa esaki Aruba Bank a firma e acuerdo cu Tele Aruba, contribuyendo na haci e transmisionnan di e weganan di FIFA World Cup 2018 posibel. Di e forma aki muchanan y hobennan ta haya mas interes den e deporte rey, ta siña di hugadanan y ta inspira riba e hungadonan profesional di mundo.

Aruba Bank, e banco di deporte, ta invita tur hende pa keda pendiente pa mas actividad rond di World Cup 2018, pero tambe keda pendiente p’e apertura y prome wega cu lo ta dia 14 di Juni entre Rusia y Saudi Arabia pa 11’or di mainta.