Recientemente e atleta Jennifer Baez di Aruba a participa na e Campeonato 2018 Pan Am Senior Gyoroogi & Poomsae TKD Championships (G4) y 2018 Pan Am Open International TKD Championships (G1).
E competencia aki a tuma luga na Spokane Convention center, den Ciudad di Spokane, USA, for dia 11 pa 13 juli 2018.
Jeniffer ta un atleta arubano cu ta bibando na Mexico, unda ela estudia Ingenieria Quimica. For di anja 2015 ela dicidi di participa den modalidad di poomsae.
Dia 11 juli, Jennifer Baez a haya Medaya Silver den Campeonato 2018 PanAm Senior Gyoroogi & Poomsae TKD Championships (G4) den modalidad femenino, Individual bou 40, poomsae tradicional y Medaya di Brons den Modalidad femenino Individual Freestyle.
Dia 12 juli, Jenniffer a participa den 2018 Pan Am Open Championships (G1) hayando medaya di Brons den modalidad Individual tradicional bou 40 anja y Brons Pareja Tradicional + 30 anja. Jenniffer a haja un reconocimiento di 5 luga como Female Team Poomsae, freestyle over 17 anja.
Na nomber di Aruba Taekwondo Bond, Dr, Guaicaipuro Jiménez, ta felicita Jennifer Baez y su coach Ana Paula Covarrubias pa cu e logro aki.
