Arondino Croes, cu den eleccion tabata number # 11 riba lista di MEP, cu 364 voto riba su nomber, no a acepta e oferta di e comision cu a prepara e lista di partido AVP pa eleccion 2017. Consecuentemente, el a opta pa keda for di e lista y no participa den eleccion 2017 mas.
Partido AVP a instala un comision cu a conta cu personahenan manera Marco Christiaans, Juan David Yrausquin, Glenda Margaretha, Tito de Cuba, Dito Acosta y Dario Arends.
Nan a papia cu cada un candidato prome cu finalisacion di e lista, pa duna cada ken nan number. Di acuerdo cu nos informacion, a ofrece Arondino Croes number 23 riba lista di AVP, pero e no a keda contento. E lo a prefera number 20, pero no a logra convence e comision.
Mester menciona cu, no obstante e hecho di no acepta su number riba lista, cu Arondino Croes a keda na Cas di Partido te 2:00am, despues cu a caba di presenta e lista oficial pa 1:15am.
