Diaranzon anochi prensa local tabata invitado di e apertura oficial di Casa Nonna, un restaurant nobo den Ritz-Carlton.
Casa Nonna ta un restaurant Italiano cu un menu hopi estenso y cu platonan super dushi y cu saucenan cu ta wordo traha tur dia fresco fresco pa complace e paladar di cada un di su clientenan. Durante tasting e prensa a purba diferente plato riba nan menu cu a keda sirbi den e restaurant y for di e cara di varios di e coleganan, esaki sigur a wordo hopi bon gusta.
Den un combersacion cu Rolin Angela, Chef encarga cu e operacionnan di e di e restaurant y tambe guia di excelencia di calidad di cuminda cu ta wordo sirbi den Casa Nonna. Chef Angela ta boga pa e cuminda ta home made, freshness y sinti cu bo ta cas di bo wela. Pesey e nomber di Casa Nonna.
E pasta na Casa Nonna ta wordo traha inhouse, como tambe e saucenan. E Pomodoro Sauce ta wordo traha den cas. E ta djis tomati, knoflok, azeta, tiki salo y basil.
Un palabra di pabien ta bay na henter e staff y naturalmente Chef Angela, cu apertura di Casa Nonna.
