Diadomingo durante dia a tuma luga un discusion na nan cas na Pos Abou, cu a desemboca den maltrato severo. E victima, Anushka Tromp, naci na Aruba na aña 1971, a ricibi hopi sla na cabes for di su pareha Roy E. Croes, naci na Aruba na aña 1965. Anoushka ta bon conoci den comunidad, debi cu el a traha pa hopi aña como cahera na Kowloon y ta e cara cu ta topa ora busca cuminda “take away”.
Parce cu despues di e maltrato, e agresor a haci manera nada no a pasa y no a brinda ayudo na e victima. Ora Anushka no por a soporta e dolornan fuerte mas na su cabes, el a yama un amiga hibe Hospital atardi. Ey a constata cu su situacion ta serio y a interne. Awe marduga a bin noticia cu el a fayece, lagando su yiunan, famia y amigonan cu un dolor inmenso atras.
Awe mainta Polis a detene e abusado encuestion, pa e responsabilisa pa su acto. Famia a conta cu e homber a hasta bay Hospital pa wak e victima comosifuera nada a sosode, te ora cu Anushka a conta tur presente cu ta e homber a maltrate. D ora el a bandona e camber y a sali for di Hospital bay na pia. E ta den man di husticia awor.
Hopi forsa na famia di Anushka den e momentonan dificil aki. Cu Anushka sosega na paz.
