E pregunta si e ley di AZV mester ta revisa, segun Anko Ringeling, director di e organo, sigur e leynan cu ta existi pa mas di 20 aña mester ta revisa.
Pero si e discusion ta lanta si mester revis’e, a base di e caso di Baby Lunah, esey segun e ehecutivo, ta un motibo no na su luga. Netamente e parti ey ta haya cu mester keda den e ley. Ta referi na e parti unda cu e ley ta bisa cu tin derecho riba cuido di un specialista te asina leu cu e ta usual den e profesion concerni. Ta algo cu di parti di AZV, no tin ningun necesidad pa cambia e parti ey. Tin cierto instrumentonan cu AZV ta cubriendo.
Esta aparatonan pa oido, cierto aparatonan pa wowo. Y den esey tin un desaroyo tecnologico cu den transcurso di aña ta bin tecnologia. Tin tambe innovacion tambe y den esey tin cu keda al tanto. Eynan ta wak si no cambia e ley of leynan, e ora ey no por aplica cierto instrumentonan nobo, etc. Riba e tereno ey, mester revisa AZV, pero no ta toca e principionan di e ley. Eynan te ainda no tin mucho necesidad pa bin cu cambio den e ley.
