Diadomingo ultimo na Marriott Ballroom den conexión cu e celebración di e 10 Aniversario di e certamen di Miss Teen Aruba Internacional, Srta. Alviana Davina Arends a wordo corona di un forma sorpresa pa dicho organización.
Alviana ta un mucha muher no desconoci den nos comunidad, Alviana a yega di representa Aruba den diferente certamen na nivel Internacional logrando mas 5 tiluto internacional importante pa nos Isla. Alviana ta un mucha muher hopi activo den nos comunidad hasiendo trabou voluntarion den diferente fundacionnan rond di nos Isla, e ta un carnavalista activo, bailarina y modelo,actualmente bishitando colegio Arubano. E biaha aki Alviana a wordo escohi pa e presidente di MTAI Sr. George Winterdaal pa representa Aruba den un di e certamen di Modelo mas importante di Mundo e Miss Teen Model Universo na Ciudad di Madrid Spaña na 2019 cual ta net 10 aña despues di a representa Aruba na Europa tambe esta na Bulgaria.
Na aña 2009 Alviana a Representa Aruba den e certamen Best Child Model of the World na Bourgas-Bulgaria conquistando e titulo máximo pa Aruba Best of the Best Child Model of The World contra 52 país e biaha aki su responsabilidad ta hopi mas grandi y manera e mes a bisa su compromiso di hiba Aruba su nomber dilanti ta semper e meta principal ora cu e tin cu representa su isla den exterior. Sigur di parti di nos redacción nos ta desea Alviana Davina Arends tur clase di éxito y nos ta sigur cu e ta un bon embajadora di nos hubentud y cu sigur un biaha mas e lo laga e nomber di Aruba na Halto …Hopi Éxito Alviana.
