Diamars mainta directiva di La Salle College a realisa un control rutinario den tas di su alumnonan pa obhetonan y/of substancianan prohibi.
Durante e control docentenan a bin haya un hoben menor di edad cu arma blanco den su tas. A yama Polis pa e hoben, autoridad a detene e hoben y confisca arma. La Salle College sa haci e controlnan rutinario pa evita tragedia manera sa sosode na Merca. Pa siguridad di e studiantenan y docentenan ta controla tasnan regularmente pa algun tempo caba. Alumonan y mayornan ta avisa cu si bin haya algo ilegal den tas cu autoridadnan lo keda envolvi.
Esaki ta prome biaha cu e alumno den cuestion ta den problema cu husticia. No ta conoci pakico y cua tabata intencion di e hoben pa sconde un arma blanco den su tas. E caso ta den man awor di JZP.
