Alemania ta dal un buelta dramatico ganando Suecia 2-1

E stadion Fisht di Sochi tabata cayente cayente diasabra pa asisti e di dos partido di Alemania y Suecia den Grupo F. Ambos seleccion tabata tin un duelo intenso te na e ultimo minuut, unda cu e Mannschaft a impone cu un lansamento di falta milagroso di Toni Kroos.

E comienso di e encuentro a mustra e wega spera. Alemania tabta balansa riba e porteria di Robin Olsen, bon protehi pa e armada blauw y geel.

BancoDiCaribe
Cobertura Mundial Rusia 2018 presenta pa Banco Di Caribe

Pero ora cu a parce cu nan lo habri e scoreboard, rapidamente e muchanan di Joachim Loew, inkieto pa kita for di nan lomba nan derota contra di Mexico, tabata Marcus Berg kende a percura e ocasion mas cla di e prome cuarto di ora, cu un mano a mano contra Manuel Neuer, kende a sali airoso cu e portero Aleman. Sin embargo, Neuer a wordo bati tras di a cumpli mey ora di wega, cu un cañon di Ola Toivonen.

Loew a reforsa e plano mental di su hombernan y e peso di su atake, sacando Mario Gomez tras descanso, pero tabata Marco Reus kende a empata cu rudia un poco prome di e reanudacion. Apesar di un dominio abrumador, e Alemannan no a logra cobra bentaha, ni sikiera ora cu Gomez tabata su so dilanti porta di gol den di 20 minuut di e final.

E expulsion di Jerome Boateng pa un di dos carchi geel den minuut 82, no a regla precisamente e situacion di e campeonnan mundial, como tampoco e asomboro reflehonan di Olsen, kende despues a salba su porta di gol. Pero e arkero Sueno no por a haci nada contra e magistral tiro liber di Kroos den e extr tempo. Un desenlace cruel pa e Blagult heroico.


Foto: FIFA©