Ainda tin hende ainda cu kisas nan por registra un dokter di cas na Playa mes. Solange Tchong, vocero di AZV ta conta cu tur aña ta mantene dos periodo unda cu por haci cambio di dokter di cas. E prome periodo ta den luna di Maart y e di dos periodo ta den luna di September. Sinembargo ta asina cu e aña aki AZV tin e posibilidad toch pa motibo cu tin clientenan cu semper a pidi cambio den transcurso di aña 2017, pero esaki no a logra. Den 2017 tabata tin basta dokter di cas cu tabata full yen, causando cu tin clientenan di AZV cu no por a cambia dokter di cas.
Awor aki e situacion ta otro. Tin dos dokter di cas den 2018 cu ta bay duna toch oportunidad na clientenan di AZV si nan kier si nan kier inscribi bao di nan nomber. Ta trata aki di dokter Usha Hoela Ramcharan y Dokter Corina Rolfast.
Dr. Corina Rolfast actualmente tin amplio luga pa tuma pashent nobo. E ta traha den Bazinstraat 2, na Dakota, hunto cu dr. Dianthe de Cuba. Pero dr. Corina Rolfast lo traha eynan cu su propio pashentnan. Independientemente. Esey ta nifica cu si awor aki ainda tin cliente, asegurado di AZV cu kier haci cambio di dokter di cas, cual por ehempel ta trata di clientenan di AZV of pashentnan cu kisas tin un inconveniente of conflicto cu nan dokter di cas actual of kisas no ta satisfecho cu e servicionan cu tin, AZV a opta pa den 2018 duna e oportunidad pa e clientenan aki haci cambio toch.
Pa loke ta e dos dokternan di cas aki, dr. Corina Rolfast den Bazinstraat 2 den Dakota, tin hopi luga ainda pa tuma pashent y tin e oportundad pa haci esaki. Personanan cu kier inscribi riba practica di dr. Corina Rolfast, por haci esaki. E forma di haci esaki ta door di bay personalmente na e oficina di Bazinstraat 2. Pidi pa e loket di dr. Corina Rolfast y eynan ta yena un formulario pa inscribi cerca e dokter. Igual ta conta pa e otro dokter cu tin habri, cual ta dr. Usha Hoelas Ramsharan. E ta situa na Caobastraat. E ta den oficina hunto cu dr. Angela. Dr. Ramsharan tambe tin suficiente luga pa tuma pashent. Ta bolbe trece bao di atencion di e clientenan di AZV cu tin e oportunidad ey den 2018. Ta trata aki di dokter di cas nobo, di cual AZV ta stimulando of apoyando nan pa haya pashentnan, pa motibo cu sa cu den 2017 tabata tin hopi cliente cu a haci peticion cu kier a cambia y no a logra e tempo ey. Vooral den September 2017, AZV tabata cera pa cambio di dokter di cas.
Ta invita tur asegurado di AZV cu si ainda ta cana rond cu e idea di cambia di dokter di cas, tin e oportunidad aki ainda. Si kier inscribi cerca e dosnan cu tin habri awor aki.
