AHSF a paga tres auto pa polis full cla regalo den Garage Cordia 

Ta un preparacion cu ta tuma su tempo. Asina mes a mira cu un biaha mas AHFS ta bolbe haci un bunita donacion na Cuerpo Policial di Aruba. Algun tempo pasa caba a pone varios pickup y RAV 4 pa Polis por move mas sigur riba caminda. Pa algun siman of luna tin otro cantidad di auto pa Polis pasa busca. Ta autonan Hybrid cu a resulta hopi bon pa Polis. Riba Caya mes ta mira mas y mas hende ta cumprando Rav4 Hybrid pasobra nan ta economico tambe. Paga menos pa number di auto y sali mas barata mirando cu e no ta usa hopi gasolin. AHFS ta mira esey tambe ora a acerca Garage Cordia pa nan prepara tres auto mas full ekipa cu luznan blauw etc. Un inversion di 200 Mil Florin. Un pabien na Cuerpo Policial cu ta haya un bunita regalo.