ACTIVO DOMESTICO NETTO Y RESERVA DI DIVISA NETTO A SUBI

0
12

Den e luna di Maart 2017, e cantidad di placa den circulacion a subi cu Afl. 83.4 miyon te na Afl. 4.180,9 miyon, compara cu Februari 2017. Esaki a resulta door di subidanan den e activo domestico netto (+Afl. 52,2 miyon) y den e reserva di divisa netto (+Afl. 31,2 miyon).

Banco di Caribe
Wendys
WEB

E subida den e activo domestico netto a surgi door cu credito domestico a subi (+Afl. 90,5 miyon) mientras cu transaccionnan no relata na credito a mengua (-Afl. 38,3miyon). E caida den transaccionnan no relata na credito a wordo causa principalmente door di subidanan den e asina jama “shareholders’ equity” y “other liabilities” y tambe transaccionan di clearing.
Credito domestico a expande, como resultado di subidanan den tanto credito bancario netto na e sector publico (+Afl. 88,3 miyon) como credito bancario na e sector priva (+Afl. 2,2 miyon). E aumento den credito bancario netto na e sector publico ta relaciona principalmenta cu un bahada den depositonan di gobierna (-Afl. 82,1 miyon). E crecemento di Afl. 2.2 miyon den credito na e sector priva a resulta for di mas hipoteca pa vivienda (+Afl. 7.4 miyon) y credito na empresa (+Afl. 1,9 miyon), mientras cu credito na consumidor a baha (-Afl. 7,1 miyon). E crecemento den e reserva di divisa netto di e sector bancario ta debi na compra netto di divisa for di publico (+Afl. 272.8 miyon), principalmente relaciona cu entrada for di turismo y inversionan directo.

Esaki a wordo parcialmente mitiga pa benta netto di divisa na publico (-Afl. 241.6 miyon), primordialmente relaciona cu pago netto pa importacion di mercancia, e asina jama ‘income account’ y otro servicionan. Inflacion E nivel general di prijs, cu ta wordo midi door di e indice di prijs di consumo, a registra un bahada di 0,1 porciento den e luna di Maart 2017, compara cu Maart 2016. E contribuyente principal na e caida aki ta e componente “Vivienda”, cual ta debi primordialmente na un reduccion den prijs di  electricidad. Tambe, e componente “Recreacion y Cultura” a contribui na e bahada. Di otro banda, e componentenan “Transporte”, “Cuminda y bebida no-alcoholico” y “Restaurant y Hotel” a registra un subida. Si exclui e componentenan di cuminda y energia for di e indice di prijs di consumo, inflacion ta mustra un crecemento di 0,1 porciento compara cu Maart 2016. Pa loke ta trata e promedio anual di e tasa di inflacion, esaki a subi na -0,7 porciento na Maart 2017, compara cu -0.8 porciento na Februari 2017. Turismo Na Maart 2017, e cantidad di turista a registra 90.133 bishitante, cual tabata 18,1 porciento (-19.865 bishitante) menos cu na Maart 2016. E caida aki a resulta principalmente door di 68.3 porciento menos turista di Latino America (-23.731 bishitante). Di otro banda, e mercado Norte Americano a crece cu 7,4 porciento (+4.867 bishitante).

1 E original na Ingles ta prevalece.

2 E caida den e mercado Latino Americano a wordo causa pa menos bishitante for di Venezuela (-23.924 bishitante of -85,3 porciento). E subida den e mercado Norte Americano a resulta for di un expansion den bishitante for di Merca (+4.117 bishitante of 6,8 porciento).
E cantidad di turista crucero a registra un subida di 3.033 bishitante of 3,1 porciento te na 99.769 na Maart 2017, compara cu Maart 2016. E cantidad di barconan a baha for di 48 na Maart 2016 pa 41 na Maart 2017. Entrada di Gobierno Na Maart 2017, entrada di gobierno a suma Afl. 100,8 miyon, cual ta Afl. 7,9 miyon mas compara cu e mesun luna di e aña anterior. E crecemento aki a resulta di subidanan den entrada di impuesto (+Afl. 7,5
miyon) y den entrada no relata na impuesto (+Afl. 0,4 miyon). E crecemento den entrada di impuesto ta relata principalmente na mas accijns riba gasoline (+Afl. 10.5 miyon), impuesto riba e asina yama “overdrachtsbelasting” (+Afl. 5,1 miyon), accijns riba tabaco (+Afl. 3,8 miyon), impuesto riba salario (+Afl. 2,9 miyon), benta di negoshi (B.B.O) (+Afl. 2,0 miyon) y impuesto riba divisa (+Afl. 1,2 million). Di otro banda, bahadanan a wordo registra den entrada di impuesto riba ganashi (-Afl. 17,5 miyon), impuesto riba entrada (-Afl. 2,5 miyon) y vehiculo di motor (-Afl. 1,6 miyon).

Comments

comments