Diabierna mainta, pa mas of menos 11’or y mey, a sosode un accidente den e caminda paralelo cu e caminda principal di Tanki Leendert, net otro banda di e misa, caminda un Yaris a dal den un Pickup di carga marca Hyundai. Den e Yaris tabata tin un mucha cu a keda levemente herida. Ambulance a presenta na e sitio y eynan mes a haci un checkeo medico. Ambos auto a ricibi daño material considerabel.
