Accidente na Republica Dominicana ta laga 5 Arubiano herida

Ainda ta desconoce e causa di e accidente cu den e mainta di awe diadmingo, a laga 6 persona herida riba e autopista del Este, cerca di San Pedro di Macoris. Segun reportenan cu a yega na Bavaro Digital (http://bavarodigital.net), e van, fecha #F-431, number di auto I 063859 propiedad di e Empresa Monumental situa na Bavaro, tabata tin 5 Arubiano, kendenan a resulta herida den e accidente.
Segun mas informe, e chauffeur a resulta herida severamente, pero ya ta for di peliger. E clientenan a sali for di e Hotel Caribe Club Princess cu destino Aeropuerto Las Americas ora cu nan a sufri e accidente.
E pasaheronan ta consisti di dos menor di edad Xnanleall Richardson di 9 aña di edad y Xiocarn Vargas di 14 aña, Mellizienne Richardson di 24 aña, Mariana Hoynes di 55 aña y Prisi Casofer di 52 aña di edad, segun e website Abel Quezada te Informa (www.abelquezada.com).
E pasaheronan a bay hospital herida, pero nan ta for di peliger.