Accidente na crusada di Superfood

Diasabra, pa mas of menos 6’or y 15 di atardi, patruya motorisa a presenta na e crusada di Superfood, unda cu lo a sosode un accidente entre un Mitsubishi Lancer color blanco, numera A-2828 y un Chevrolet Aveo, color blauw, numera V-3079. Na momento cu polis a bay wak kico en berdad a pasa, a bin resulta cu e Aveo biniendo for di abao, direccion Bubali, no a paga tino cu tabata tin un auto biniendo di nort. El a pasa dilanti di e Lancer cu e consecuencia cu e Lancer a dal e Aveo. E chauffeur di e Lancer a keda herida. Ambulance a presenta na e sitio pa asina duna e dama asistencia medico. Daño material ta considerabel.