Dos morto den trafico na altura di Shaba

Diahuebs pa mas o menos 3:30am a sosode un accidente serio entre un auto marca Nissan modelo Sentra color blauw cu number A-43141 y un motorcycle marca Suzuki modelo Hayabusa color blanco na altura di e compleho di tiendanan situa na Shaba, na Noord. E auto a lora dilanti e motorcycle cu consecuencia cu a dal den otro.

E impacto tabata asina fuerte cu e auto a saca tanto e chauffeur como e pasahero afo. Bomberonan a core yega na e sitio hunto cu Polis y Ambulance pa brinda asistencia. A topa un situacion sumamente grave! Bomberonan a yega mesora pasobra e auto a keda riba un di e victimanan.

Aruba ta conoce su di 3 y di 4 morto den trafico

Aruba ta conoce su di 3 y di 4 morto den trafico

Posted by 24ora on Thursday, July 12, 2018

Ambulance a transporta 1 di e 3 victimanan for di e sitio. Paramediconan ta menciona cu su situacion ta critico. Cu urgencia a sali pa Hospital, unda Dokternan na Spoed Eisende Hulp ta warda riba nan.

Eybou a nota cu a tapa chauffeur di e motorcycle y un di esunnan cu tabata den e auto, wardando yegada di Dokter pa constata morto. E paramediconan no por a haci nada mas ora a yega, pasobra ambos no tabata duna señal di bida mas.

Testigonan na e sitio tabata cu awa na wowo indicando cu e motociclista a caba di sali di Hot Shotz y tabata rumbo pa Lekker Bar. Su amigonan tabata biniendo su tras y diripiente a topa e accidente grave aki.

Polis di trafico ta investigando e caso. Vocero di Cuerpo Policial a confirma identidad di e dos victima fatal, aki ta trata di Dyllon Lourens, naci dia 1 di october 1993. Dyllon na bida tabata biba na Hulanda y ta cu vakantie na Aruba.

E otro victima cu tabata pasahero den auto ta Wendel A. “Djaca Muis” de Leeuw naci dia 25 di December 1995. Condolencia na famia di e fayecidonan.

Accidente fatal entre auto y brommer na Shaba http://dlvr.it/QbHWSD #Featured #Local #AccidenteFatal #Polis Click link pa mas

Posted by 24ora on Thursday, July 12, 2018