Accidente cu basta daño material na Santa Cruz

Diahuebs anochi algun minuut prome cu 9or a sosode un accidente na altura di e crusada di Mundo Nobo na Santa Cruz. Un Ford Ecosport bayendo direccion di Kibaima pa un motibo of otro a cuminsa hala na su man robez.

Algun automobilista a logra desvia y hala pe pero un chauffeur den un Toyota Corolla di direccion contrario no tabata tin e suerte ey y e Ecosport a dal den su banda y a sigui lastra algun meter bai ariba. E Corolla tambe a bira ful rond y termina mey mey di caminda.

Na prome instante tabata papia di heridos. Ambulance a yega pero a resulta cu e heridonan lo tabata  minimo. Daño material si tabata bastante y ningun vehiculo por a move riba nan propio forza pa cual a solicita takelwagen pa hala nan for di caminda.