A traha henter madruga pa soluciona problema di coriente

Dialuna anochi alrededor di 8:30 un parti di Playa a keda sin coriente. Hopi tabata e yamadanan di habitante pa haya sa kico ta pasando na Elmar.
Mesora e compania di utilidad a mobilisa su personal pa hasi un diagnostico na Emmasstraat den e casita di coriente pa wak unda e problema ta sinta.
A haya e fayo poco mas pabou di Hua Run Supermarket na Ponton y mesora personal di Elmar a cuminsa traha riba dje te den oranan di marduga. E fayo mes a surgi door cu un di e kabelnan di 12000 Volt a kibra, con exactamente no ta sigur ainda. E kabel a keda cori na 1990. Tecniconan a bypass e kabel cu defecto pa asina tur esten nan ta drechando e fayo, e areanan afecta por haya coriente bek.