Dialuna anochi dos hende gran di den cas a scapa na wowo di hangua. Nan tabata den nan hogar y un persona a pasa cu auto y los tiro dirigi riba e cas. Esnan cu a mira algo a splica cu ta un auto blanco chikito a yega para y luz paga.
Djey a los e tiro dirigi riba e trailer habita. Ta un trailer di palo na adres Ponton 85-B. E chauffeur despues a sali bay direccion pabou y mas pabou a cende su luznan sigui e caminda. No a logra coy e number di e auto mirando e scuridad. Recherche di Playa a wordo avisa. Nan a yega y papia cu e coleganan Polis di Playa cu a yega prome na e sitio. Tambe e departamento Tecnico a wordo avisa.
E pareha grandi biba den e cas a scapa. Solamente nan Frigidaire a keda perfora cu e tiro aki. Dimes e susto ta keda pasobra sin mas un hende ta yega los tiro riba bo cas ta trece un sentido di miedo y inseguridad. Varios patruya a tira bista rond pa autonan sospechoso. No ta conoci ainda e motibo specifico cu e persona a comete e acto aki.
