Diaranson anochi a tuma luga e eleccion di Reina di Colegio EPI den Aruba Entertainment Center na Dakota. Contrario na otro añanan, e biaha aki tabatin un solo representante di cada sector, pues solamente 3 candidata, cu a traduci den un publico masha limita.
E cuerpo di huradonan, despues di a mira e presentacion di cada candidata, nan disfras y nan discurso, a yega na un decision final.
Como Reina di Colegio EPI a corona Kimberly Geerman, sigui pa 1st Runner Up den persona di Veronica Ruiz y como 2nd Runner Up a eligi Remyska Dimanche.
Best Show a bay pa Veronica Ruiz, mientras cu candidata mas popular, miho disfras y miho discurso a bay pa Kimberly Geerman cu alabes a sali Reina tambe.
Pabien na e Reinanan y na e comision organisado cu a presenta un bunita eleccion.
