A detene henter famia ilegal na Aruba

Diabierna alrededor di 8:15pm, Polis a dicidi di para un auto pa control regular. A nota cu den e auto marca Chevrolet modelo Celta, cu number A-61758, tabatin 2 hende homber, 1 hende muhe y 1 mucha di 3 aña. A para e auto pa control’e na altura di La Quinta del Carmen Restaurant na Bubali.

Despues di varios pregunta a bin sali na cla cu nan no tabatin permiso legal pa por permanece na Aruba pues a detene tur 4 Venezolano y hiba nan pa Warda nos Costa por verifica nan status legal riba nos isla.

Den e proceso a confisca e auto cu nan tabata coriendo aden tambe.