Na Corsou den un accion di e Centro di Accion contra Crimen, diadomingo Kustwacht, Polis y Douane a tene un accion combina riba lama y riba tera, relaciona cu e trafico di hende, narcotico y arma. Mainta tempran, e avion di patruya maritima di Kustwacht, den coordinacion cu e Centro di Coordinacion y Rescate (RCC), un super-RHIB di e punto di sosten Corsou, a mobilisa pa intercepta e embarcacion. Pazuid di Klein Curacao, e ekipo a bin topa cu un boto sin luz, cu tres persona abordo, tur di nacionalidad Venezolano. Den caso di un mayor investigacion, tambe a bin haya droga. E miembronan di e tripulacion a keda aresta. A confisca e embarcacion y hiba na e Centro di Apoyo di Kustwacht na Parera. Eynan, e droga, di cual 82 kilo di cocaina y 2 kilo di marihuana, hunto cu e tres sospechosonan a wordo pasa den man di polis.
Na e mesun momento cu e accion pazuid di Klein Curacao, e avion di patruya maritima a detecta un embarcacion sospechoso pazuid di Bullenbaai. Bao di direccion di RCC, e Super-RHIB a bay den e direccion aki y a bin topa cu un boto cu 41 persona indocumenta, tur di nacionalidad Venezolano. Ta trata aki di 35 hende homber y 6 hende muhe. E boto a wordo entrega na e centro di sosten na Parera, unda cu tur e pasaheronan a wordo transferi pa polis despues di un buskeda di siguridad.
Trahando den un investigacion riba tera, e ekipo di Orden Publico di Polis a detene dos vehiculo cu 6 persona den Kaya Seru Machu. Ta trata di e siguiente personanan:
- F.O.Z. di 64 aña
- E.A.Z. di 41 aña
- J.A.L. di 36 aña
- M.D. di 26 aña
- A.F.B. di 16 aña
- A.A.J. di 19 aña
Tur naci na Corsou.
E seis detenidonan a presenta dilanti di fiscal auxiliar. Ambos vehiculo y dos arma di candela a keda confisca. Tur e casonan ariba menciona, ta bao di investigacion.
