4 venezolano morto den intento pa subi tera

3066
CMB – Mobile Banking Nobo
RBC Mortage
E Hefe DMAX
24 ora App

Diferente yamada a drenta na warda di polis unda cu tabata tin diferente persona cu lo
mester a yega costa riba lancha. Pero polisnan a bin y no a logra topa cu nada particular.

24ora Gana Cel

Tabata awe mainta un biaha mas cu a drenta informacion cu lo tabata mirando
movecionnan dudoso pa loke ta trata situacion aki na Koraal Tabak, Corsou. Mesora a dirigi
unidadnan di Guarda Costa, tanto na tera como tambe den laira, den helicopter, hunto cu
autoridadnan policial. Nan a mobilisa y tabata despues di un buskeda cu algun rato pasa a
bin logra topa cu algun curpa sin bida pa loke ta trata personanan cu probablemente lo
mester a yega costa cu boto den e caso aki. Esey ta loke te cu algun rato pasa por a
confirma. E porta di Koraal Tabak ta cera y polis no ta lagando ningun hende drenta parti
paden. A pidi tambe ambulance na e sitio pa asina por a logra haci algo pa e personanan
aki. Pero tur cuater ya caba a fayece na e sitio. Hunto cu nan por a nota un boto cu ta pega
riba baranca. E boto aki tambe ta completamente distrui.

E curpanan sin bida por a mira cu nan a dal na baranca. Autoridad en todo caso, ta buscando den e area, pasobra no ta descarta e posibilidad cu por tin mas victima. E area di Koraal Tabak ta conoci como un area na unda cada bes personanan indocumenta ta haci uzo di dje pa drenta Corsou. Aparentemente ey ta mas facil pa evita confrontacion cu autoridad. Aunke cu tin cu bisa cu e boca aki ta uno cu lama hopi bruto, unda cu nan a haya nan mes den dificultad. Mientras tanto tin discusion andando pa loke ta trata e decision cu presidente di Venezuela a tuma pa cera den e caso aki e frontera entre Corsou, Aruba y Boneiro. Esaki ta cera. Discusionnan ta tumando luga riba e tres islanan. E ciudadanonan Venezolano keto bay ta saliendo for di Venezuela riba lama den forma ilegal y purba di drenta tanto na Aruba, Corsou y Boneiro. Y hopi biaha cu e resultado manera esun akinan, caminda 4 persona a perde nan bida. Awo investigacion tin cu saca afo cuanto precies nan tabata pa wak unda e otronan ta, si dado caso nan logra bay caba y tin cu bay identifica e cadavernan.

 

Comments

comments

Juju Events
Amerijet
Dragon Fly