Dianan 12 y 13 di april 2018 e departamento di Suveillance Dienst di Oranjestad a tene un control di trafico na diferente areanan strategico den districto di Oranjestad.
E intencion di esaki tabata pa accentua mas e visibilidad di Cuerpo Policial ariba caya y e seguridad den trafico. Durante e control menciona un total di 457 auto a wordo controla. 256 di nan a hay proces verbaal pa e siguiente motibonan; seguro, keuringskaart, belasting, stuur sin rijbewijs, luz defecto, lora sin duna señal, faha di seguridad, luz di plachi number, mucha bou 12 aña sinta dilanti den auto, plachi number no ta pega na e lugar cu ley ta prescribi, maneha cu cellular den man
Notabel tabata cu hopi auto no a paga belasting (number). Cuerpo Policial Aruba den cooperacion cu diferente departamentonan lo sigui haci e controlnan aki. Sea conciente y responsabel pa bo tin bo documentonan na ordo. Mas visibilidad di polis riba cay pa seguridad di nos comunidad.
