22 aña pasa avion di Avia Air a cay na Venezuela lagando 8 morto

Ayera, 13 di Maart, tabata exactamente 22 aña pasa cu e avion di Avia Air, di e conocido piloto Efi Tromp, a cay cu tur su ocho ocupantenan, incluyendo e piloto cerca di e aeropuerto di Punto Fijo na Venezuela. Ta trata aki di un Cessna C-402 cu tabata wordo conduci pa Siegfried Stede.

Di e ocho victimanan, seis di nan ta di nacionalidad Hulandes, nacin a Aruba. Ta trata di e piloto mes, Siegfried Stede, Hubert, Leandro y Lourdes Thiel, Sebastiana Leito-Geerman y Heinrich Leito. Tambe tin un Colombiano, Orlando Ortega y un Mericano, Jason Sigel. E avion a cay den un area poco inaccesibel. Sinembargo, ehercito Venezolano a haci todo por todo pa bay cu e restonan y atende cu nan pa asina barcanan bek pa Aruba.

Ainda por corda con pueblo di Aruba, na momento cu e curpanan a yega Aeropuerto Internacional Reina Beatrix, por a dispidi di e restonan, pa despues tene nan acto di entiero. Tabata dianan di hopi tristesa y cu semper a keda marca den curason di un y tur. Te ainda e dolor ta fresco, pero cu resignacion a acepta.

Despues di algun aña, sra. Yolanda Croes, conocido escritora, a skirbi e buki “Acompaña pa un Angel: E tragedia di buelo 2000”, cu a conta e storia di e tragedia. Ta recuerdonan cu semper lo keda graba cerca nos comunidad y cu a uni door di un tragedia cu a keda marca den nos curason.