Pasahero a purba biaha cu 50 kilo di oro balora na 2.1 miyon dollar

8974
CMB – Mobile Banking Nobo
RBC Mortage
E Hefe DMAX
E-Seminar 550×110

Ayeranochi 9 di februari, un pasahero di KLM a wordo saca for di avion net prome cu a lanta vuelo y el a wordo deteni pa recherchenan di “Recherche Samenwerkings Team” (RST) riba sospechoso di traficacion di oro y falsificacion.

E-Seminar 300×250

E sospechoso, procedente di Venezuela, tabatin 46 bara di oro cune. Ta trata di en total alrededor di 50 kilo di oro cu ta representa un balor di 2.1 miyon Dollar.

A detene e sospechoso a base di informacion obteni di FIOD (Hulanda) y RST na Corsou. E accion ta un iniciativa conhunto di RST di Aruba, Cuerpo Policial di Aruba, Ministerio Publico di Aruba y Afpakteam di Aruba.

E sospechoso ta encarcela y e investigacion ta andando. Den cuadro di e investigacion, lo coopera cu Corsou y Hulanda.

Afpakteam ta un cooperacion di Ministerio Publico, Cuerpo Policial di Aruba, Aduana, Fiot (Fiscale Inlichten- en opsporingsteam) di departamento di Impuesto (DIMP), FIOD (Fiscale Inlichtingen- en Opsporingsdienst), Marechaussee (Kmar) Kustwacht di Aruba, Meldpunt, RST y ta traha riba combati criminalidad financiero economico.

Afpakteam a cuminsa traha riba prome di maart 2017. Si bo persona ta desea di acerca Afpakteam cu señalnan (di labamento di placa) por via mail na [email protected] of via tiplijn na 11141.

Comments

comments

Dragon Fly
Aruba Bank Mega Smart Car Purchase