Rodney Bareño: Matamento di bestia a pickup masha hopi mes den December

0
136

Cada biaha cu tin un of otro bestia wordo mata, den e caso aki cabrito, porco, etc. tin un proceso di control. Sigur ora cu esaki wordo mata legalmente na Abattoir.

Upsize Earn Points and Win
WEB
Banco di Caribe

Tur bestia cu wordo mata pa come na Aruba, den e caso aki cabrito, carne, baca, etc., mester tuma luga eynan, pa asina e pasa un keuring prome cu e sali, pa despues e wordo bendi pa come, etc.

Rodney Bareño ta keurmeester. E ta esun cu ta repasa y controla e bestianan, hunto cu su otro coleganan na Abattoir.

El a conta cu fin di aña semper ta bira druk. December a pick up masha hopi mes. Ta cuminsando di marduga te atardi 4’or pa 5’or. Ta ripara e hendenan fin di aña ta bestia chikito nan kier come. Matamento di porco tambe a bira hopi. Ta importante pa nan wordo mata na Abatoir, pasobra por tin malesa eyfo y eynan ta samina e bestianan pa wak si e carni ta abto pa consumo humano.

Te ki dia

Dia 19 di December ta e ultimo dia, door cu despues ta bay tin paar di dia pa haci e luga limpi. Mester dun’e un bon limpiesa, bon desinfeccion. Awe ta diahuebs, pero pa otro siman ta mata tur dia, menos diabierna.

Caranan di semper

Mayoria di e trahadonan ta caranan di fin di aña. Ta wak cu ta hendenan cu ta cria bestia full e aña y leu leu durante aña ta trese un of dos, pero pa fin di aña ta trece nan bestia pa wordo mata. Mayoria di nan ta caranan conoci.

Cantidad

Segun Bareño, fin di aña e cantidad ta keda mesun cos, pero ora saca un averahe pa full e aña ta ripara cu e ta drop un tiki. Tereno ta schaars. Hopi di e hendenan ta criando bestia no na gran escala mas, pero toch na un manera mas chikito, pasobra Aruba ta seco y ta nan mes tin di cumpra cuminda pa e bestianan. E no ta rendabel pa bo cria na cantidad grandi, pasobra bestianan tambe mester come.

Comments

comments