MEP a gana: Ayo shoco for di Parlamento

0
1997

Awe Parlamento di Aruba a ricibi un carta for di Presidente di Parlamento, mr. Juan “Ady” Thijsen, den cual ta instrui Griffier pa laga kita e simbolo di shoco for di den sala di Parlamento y na su luga pone e escudo bek.

Upsize Earn Points and Win
WEB
Banco di Caribe

E ta referi na un reunion di Commissie Huishoudelijke Aangelegenheden di dia 12 di november ultimo, den cual a trata e asunto di e simbolo (logo) di Parlamento. Aunke cu POR y RED a expresa nan malcontento pa cu e intencion pa saca e shoco for di den sala, na final MEP a dicidi pa saca e logo for di den sala y despues lo dicidi unda otro lo pone.

Asina mes, MEP a bay di acuerdo cu su partnernan chikito POR y RED pa laga e simbolo di shoco riba otro materialnan imprimi, manera envelop, letterhead, business card, porta y bentananan di e edificio, riba e website y Facebook di Parlamento.

Cu e decision aki, e logo cu ex Presidente drs. Marisol Lopez-Tromp a introduci, despues di apenas 2 aña ta sali bek for di sala di Parlamento, debi na un pensamento diferente di e ruman grandi den coalicion, esta MEP. E partido mas grandi den e coalicion, desde aña 2015, algun luna despues di introduccion di e logo nobo, ya a critica e hecho cu a saca e escudo nacional di Aruba for di e sala grandi di Parlamento.

Comments

comments