Ekipo moderno y cu por haci mihor inspeccion riba auto DTI lo usa den edificio nobo

0
166

Cosnan ta bayendo segun planning den preparacion pa e edificio y ekipo nobo pa DTI. Segun Enrique Maduro di DTI, nan mes no tabata tin mucho mas di bisa den esaki.

Upsize Earn Points and Win
WEB
Banco di Caribe

Ta solamente den e reparticion di e edificio di plan. Pero e coordinador di minister mes a keda mas encarga pa regla tur cos cu e ekipo, pa busca informacion, busca oferta y regla cu tur esnan envolvi den esaki y awor aki tin hende di Hulanda na Aruba, instalando e mashinnan aki. Esey nan ta bezig cun’e ainda. Ta ekiponan mas moderno y nan ta ekiponan tambe por haci un tiki mas investigacion riba e auto. Lo a amplia tambe cu un mashin mas. Awor aki tin dos y awo el a bira tres. Akinan ta riba un espera pa wak kico lo sosode.

Contract na Pos Chikito

E contract di e luga na Pos Chikito a caba na Augustus 2017. El a wordo extendi. Awor aki supuestamente mester a move pa Januari 2018. Pero ta riba un pending awor aki di contesta.

Urgencia

Esaki tabata un decision di Gobierno anterior pa busca un otro edificio pa DTI. Dado momento tabata tin preocupacion cu e infrastructura dilanti. A pidi DOW den varios ocasion pa manda e plannan di e parti dilanti pa wak si e lo stroba cu e servicionan. Pero no a haya un plan te dia di awe. Ta djis bezig ta wak berdaderamente kico ta sosodiendo. Awor aki loke tin, no ta strobando di loke tabata haci caba. E vehiculonan por sali, drenta, sin problema. Tabata preocupa despues cu e vehiculonan no tabata por a sali for di e edificio. Manera e treckernan cu por ta no por a bira. Awor aki e situacion a keda casi mesun cos manera cu e tabata. E railing nobo cu nan a pone na luga di e bieu, nan por lora ainda y sali.

Edificio

Te asina leu cu Maduro sa, e edificio actual ta di huur. E otro tambe ta di huur. Tur dos ta di huur, segun Maduro. Nan a keda di haya un contesta mas pronto posibel, di cual nan ta pendiente.

Comments

comments