E hobennan di awendia tambe mester siña mata bestia

0
320

Temporada di fin di aña ta bin tambe cu un tradicion, caminda pueblo di Aruba ta come su cumindanan manera cabrito stoba, suls, carni di porco, tur esey ta parti di e cumindanan tradicional di pasco na Aruba. Ta pesey ta bira hopi druk den e temporada aki na Abattoir.

Upsize Earn Points and Win
WEB
Banco di Caribe

Ya pa algun siman nan ta druk bezig, y awo den December, mas druk cu nunca.

Empleadonan di e luga ta trahando tur dia, pa asina soya e bestianan y laga nan cla.

Nos a papia cu un di e ex trahadonan cu ta pensionado, kende a splica cu e temporada ta druk y a expresa cu e muchanan mas hoben mester drenta den e profesion aki pa por siña soya bestia, sino nunca nan lo keda cla. Si un hende no sigui cun’e, e ta caba. Esey ta haci falta.

Mester di hende, e ta conta. Y esnan cu ta bin ta warda hopi.

E empleado aki mes ta bin soya su bestianan y e mes a traha 40 aña na Abattoir. El a expresa cu tin algun jong cu a cuminsa traha, pero ainda falta mas. Tin hopi smaak cerca e hobennan. Pero ora cu bisa cu ta trahando cu Gobierno, nan tin cu siña nan, manera antes. Ora no tin hende, esunnan cu antes a traha, ta val in, pa yuda e hendenan cu ta bin mata bestia pa nan por sigui.

Tin hende ta cuminsa di mainta hopi tempran pa mata bestia, manera den caso di e cabayero aki. E mes a dicidi bin mata su bestianan.

Awe el a mata 3 di su bestianan. No por kibra ley. No ta normal pa kibra ey. Si e bestia ta malo pafo, ta hopi fastioso. Bo ta bende un cos cu bo no sa kico e ta. Pero na abattoir, nan ta keur e bestia y haya su stempel y unda cu bo bay cune e por bende.

Pa por soya un bestia normalmente, ta dura mas of menos 10 pa 15 minuut depende con grandi e bestia ta.

E mes a siña basta hoben e trabao aki. Tin algun a bay cu pensioen. E mes ta cu pensioen, pero e mes ta keda bin bek, sea pa mata su bestianan of pa yuda mata otro. E tradicion en todo caso, mester keda.

Comments

comments